(Moscow) 13 Luulyo 2018 Weerar yahanka xulka France ee Antoine Griezmann ayaa u jawaabay goolhayaha xulka qaranka Belgium ee Thibaut Courtois.
Goolhayaha reer Belgium ayaa aad u dhaleeceeyay qaab ciyaareedka xulka qaranka France uu kala hortagay Belgium kulankii ay uga adkaadeen 1-0.
Thibaut Courtois ayaa sheegay in xulka France uu u ciyaaray qaab difaaceed ku dheehan dagaal iyo is jiid jiid, laakiin Griezmann ayaa u jawaabay, wuxuuna yiri:
“Courtois wuxuu u ciyaaray Atletico Madrid haatana wuxuu u ciyaaraa Chelsea, ma wuxuu u maleeyaa inuu u ciyaaro qaabka Barcelona oo kale?”.
“Haddii uu sidaas rumaysan yahay waa uu kaftamayaa, qaab ciyaareedkeena miyaa aad u xumaa? mihiim iima ahan taas, waxaan doonayaa ku guulaysiga koobka adduunka taas ayaana muhiim ii ah”.
Gool FM