(Moscow) 16 Luulyo 2018 Weerar yahanka xulka France ee Kylian Mbappe ayaa ka hadlay mustaqbalkiisa kooxda PSG kadib dhamaadkii koobka adduunka.
Laacibka ayaa lala xiriiriyay inuu badal u noqonayo Cristiano Ronaldo oo ka tagay Real Madrid suuqa xaggaagan kuna biiray Juventus.
Laakiin laacibka ayaa xaqiijiyay in qorshihiisa haatan aysan ku jirin inuu ka tago PSG isla markaana uu u dhaqaaqo kooxo kale.
Kylian Mbappe oo ka hadlay mustaqbalkiisa ayaa yiri:
“Waxaan marayaa bilowga xirfadayda kubadda cagta, hubaal waxaan sii joogayaa PSG waqtiga soo socda, ma qorshaynayo dhawaan taan inaan ka tago PSG”.
Gool FM