(Moscow) 16 Luulyo 2018 Xulka France ayaa xalay guul ka gaaray Croatia, sidaas ayeeyna ugu guulaysteen koobka adduunka markii labaad taariikhda.
Faransiiska ayaa soo reebay xulka Belgium Semi Final-kii koobka adduunka, ciyaartoyda Belgium ayaana rajaynayay in xulka Croatia uu ku guulaysto koobka.
Goolhaye Thibaut Courtois ayaa sheegay inuu daawaday Final-kii koobka adduunka ilaa 94-daqiiqo, wuxuuna intaa ku daray inuu iska damiyay TV-ga maadaama uusan xiiso u qabin inuu arko dabaal daga ciyaartoyda Faransiiska.
Thibaut Courtois oo waraysi gaar ah siiyay TV-ga dalkiisa ee RTBF ayaa yiri:
“Waxaan daawaday Finalkii koobka adduunka ilaa daqiiqadii 94-aad, kadibna waan iska damiyay TV-ga, wax xiiso ah uma qabin daawashada dabaal daga ciyaartoyda Faransiiska”.
Gool FM