(Moscow) 16 Luulyo 2018 Da’yarka xulka qaranka France ee Kylian Mbappe ayaa sameeyay arin ku dayasho mudan kadib Final-kii koobka adduunka.
Kylian Mbappe ayaa go’aansaday inuusan qaadan dhamaan lacagihii ka soo galay koobka adduunka iyo waliba abaal marinadii uu ka helay koobka.
Laacibka ayaa ku guulaystay abaal marinta da’yarkii ugu fiicnaa koobka adduunka, sidoo kale lacago badan ayuu ka helay u ciyaarida xulkiisa iyo ku guulaysigii koobka adduunka.
Kylian Mbappe ayaa koobka adduunka ka helay lacag ka badan Nus milyan doolar, wuxuuna ugu deeqay hay’adaha kheyriga ah si loogu caawiyo caruurta cuuryaanka ah inay si bilaash ah u bartaan ciyaarida kubadda cagta.
Waxaa jira hay’ado caawiya caruurta jecel kubadda cagta ee cuuryaanka ah isla markaana aan haysan lacag, Kylian Mbappe ayaana lacagtiisa ugu deeqay caruurtaas.
Gool FM