(PSG) 16 Luulyo 2018. Wargeysyada kasoo baxa dalka Talyaaniga ayaa shaaca ka qaaday in Juventus ay dooneyso inay iska iibiso daafaca reer Brazil Alex Sandro, sida ay qortay jariirada Mercato.
27 sano jirkan ayaa ogolaaday inuu u dhaqaaqo kooxda Paris Saint-Germain suuqan xagaaga wuxuuna mushahar ahaan u qaadan doonaa sannadkii 4.5 milyan euro iyo afar sanno oo heshiis ah.
PSG ayaa ka gudbin doonta saxiixa Alex Sandro aduun dhan 40 milyan oo euros si u hesho saxiixa difaaca garabka bidix ee reer Brazil, laakii Juventus ayaa ku adkeesaneysa qiimo dhan 50 milyan oo euros.
Alex Sandro ayaa lagu tiriyaa inuu ka mid yahay xidigaha ugu fiican ee booskiisa difaaca garabka bidix, kadib bandhigii cajiibka ahaa uu ku soo bandhigay kooxdiisa Juventus xiliyadii lasoo dhaafay.
Sidoo kale saxiixa Alex Sandro, ayaa waxaa si xoogan u doonayay qaar ka mid ah kooxaha waaweyn ee Yurub sida Chelsea iyo Manchester United.
Gool FM.