(Paris) 21 Luulyo 2018 Tababaraha xulka qaranka France ee Didier Deschamps ayaa sheegay in daafaca Real Madrid ee Raphael Varane uu u qalmo ku guulaysiga abaal marinta xiddiga adduunka.
Varane ayaa ku guulaystay 2018 Champions League oo uu la qaaday Real Madrid iyo waliba koobka adduunka oo uu la qaaday xulkiisa France.
Tababare Deschamps oo waraysi gaar ah siiyay wargayska L’Equipe ayaa yiri:
“Waxaan rumaysanahay in Varane uu u qalmo ku guulaysiga abaal marinta xiddiga adduunka, Fabio Cannavaro ayaa ku guulaystay 2006 kadib markii xulka talyaanigu uu ku guulaystay koobka adduunka”.
“Si guud ahaan weerar yahanada ayaa la siiyaa Ballon d’Or, laakiin maadaama uu yahay sanadkii koobka adduunka, waxaan rajaynayaa in la siiyo laacib ka tirsan xulka France ee ku guulaystay koobka”.
“Varane waxaa wehliya Mbappe oo 19-jir ah iyo Pogba oo soo bandhigay qaab ciyaareed cajiib ah, laakiin ha i waydiin 3-dooda midka fiican”.
Gool FM