(Paris) 21 Luulyo 2018 Kooxda reer France ayaa isku day ugu jirta dhamaystirka saxiixa laacibka qadka dhexe ee N’Golo Kante.
Le Parisien ayaa daaha ka qaaday in Kante uu aad u jecel yahay nolosha magaalada Paris, agaasimaha ciyaaraha PSG ayaana isku dayaya inuu ku qanciyo Chelsea iibkiisa.
PSG ayaa diyaar u ah inay iska iibiso Angel Di Maria iyo xiddigo kale oo haatan aan faa’iido badan u hayan kooxda si lacagta laga helo iibkooda loogu qarash gareeyo saxiixa N’Golo Kante.
Kooxda reer France ayaa ka cabsi qabta in Chelsea ay dalbato lacag ka badan 110 milyan oo euro oo ah qiima suuqeedka haatan ee N’Golo Kante.
Blues kuma qasbana inay iska iibiso Kante maadaama heshiiskiisa kooxdu uu ka harsan yahay 3-sano, balse PSG ayaa culays ku saaraysa inay ka iibiso suuqa kala iibsiga ee xaggaagan.
Gool FM