(PSG) 22 Luulyo 2018. Macalinka kooxda Paris-St Germain Thomas Tuchel ayaa wuxuu ka warbixiyay go’aankiisa kaga aadan mustaqbalka Adrien Rabiot iyo inuu u dhaqaaqi karo kooxda Barcelona inta lagu jiro suuqan xagaaga.
Thomas Tuchel ayaa sheegay in xidiga jooga dheer ee kooxda PSG Adrien Rabiot uu heysto fursad uu ku hormarin karo awoodiisa ciyaareed, xili uu sidoo kale sheegay inuu ka mid yahay xidigaha uu ugu jecel yahay kubada cagta.
“Qof walba waa ogyahay awooda Adrien Rabiot, wuxuu leeyahay fursad weyn oo uu ku horumariyo heerkiisa, waan jeclahay isaga ciyaaryahan ahaan, waxaana jeclahay inaan la shaqeeyo isaga si aan u muujiyo awoodiisa”.
“Arinta ku aadan mustaqbalka Adrien Rabiot ee kooxda, waa qofka kaliya ee gaariga go’aanka ugu dambeeya, wax walba waxay ku xiran yihiin isaga”.
“Adrien Rabiot waa inuu go’aan ka gaaraa haddii uu nala sii joogayo, isla markaana aan garab weyn kusiin doono qorshaha kooxda ee xili ciyaareedka soo aadan, ama uu ku dhawaaqo inuu doonayo inuu tijaabiyo loolan cusub”.
Heshiiska Adrien Rabiot uu kula joogo kooxda PSG ayaa dhacaya dhamaadka xili ciyaareedka soo aadan, xili ay sidoo kale jiraan warar ku aadan in kooxda Barcelona ay si aad ah u xiiseeneyso saxiixa laacibkan.
Gool FM.