(France) 22 Luulyo 2018. Didier Deschamps ayaa u sharaxay mid ka mid ah xidigahiisa xulka inuu ku guuleysan karo abaal marinta xiisaha badan ee Ballon d’Or.
Macalinka xulka qaranka Faransiiska ayaa sheegay inuu jeclaan lahaa in sanadkan aan loo ogolaanin xidigaha Messi iyo Ronaldo inay ku guuleystaan abaal marinta Ballon d’Or.
Deschamps ayaa u sheegay wargeyska “Marca” ee dalka Spain in sanadkan abaal marinta Ballon d’Or ay mudan yihiin xidigaha xulka qaranka France.
“Waan ixtiraamayaa Messi, Cristiano iyo Neymar, laakiin sanadkan uma qalmaan inay ku guuleystaan abaal marinta xidiga ugu fiican aduunka ee Ballon d’Or”.
“Waxaa haboon inuu ku guuleysto mid ka mid ah xidigaha xulka qaranka France, sababa la xiriira inay ku guuleysteen koobka aduunka”.
“Griezmann Pogba iyo Mbappé, ayaan heysanaa sido kale xulka waxaa qeyb ka ah xidigo badan ee aad u wanaagsan”.
“Messi iyo Cristiano mar walba waxay noqon doonaan labada musharax ee ugu cad cad inay ku guuleystaan abaal marintan Ballon d’Or”.
Gool FM.