(Paris) 22 Luulyo 2018 Weerar yahanka da’da yar ee PSG ee Kylian Mbappe ayaa kooxdiisa u gudbiyay codsi ku aadan saxiixa laacib ka ciyaara Premier League.
Wargayska L’Equipe ayaa baahiyay in Kylian Mbappe uu waydiistay kooxdiisa PSG in suuqa xaggaagan loo dhaqaaqo soo xerogalinta N’Golo Kante.
Labada laacib ayaa saaxiib isku dhaw ah, waxayna si wada jir ah ugu guulaysteen axadii hore koobka ugu qaalisan adduunka.
Kante ayaa diirada u saaran PSG, kooxda reer France ayaana dhawr jeer ku fashilantay saxiixiisa, laakiin sida muuqata laacibka ayaa markaan doonaya inuu ka ciyaaro horyaalka dalkiisa.
Mbappe ayaa fursad wayn u arka ka garab ciyaarida N’Golo Kante, sababtaas darteed ayuuna uga codsaday maamulka kooxdiisa in la keeno suuqa xaggaagan.
Gool FM