(PSG) 29 Luulyo 2018. Goolhaayaha kooxda reer France ee PSG Gianluigi Buffon ayaa iska diiday inuu ka hadlo heshiiska uu Cristiano Ronaldo ugu dhaqaaqay JUventus.
Gianluigi Buffon ayaa sheegay in wixi xiligan ka dambeeya wax walba ay sameenayso kooxda heysata horyaalka Serie A ee dalka Talyaaniga uu indhaha ka daawan doono oo kaliya.
“Ku biirista Cristiano Ronaldo ee kooxda Juventus? Waxa ay sameenayaan Bianconeri haatan waxba igama quseeyaan, waxaan ka noqon doonaa daawado oo kaliya”.
“Juventus waa koox weyn sida Paris Saint-Germain, waxaana qabaa in labada kooxood ay sameeyeen waxa walba ee awoodoodu tahay si ay u tartamaan inta ay awoodaan, horey ayay u soo sameeyeen wayna sameyn doonaan”.
Gianluigi Buffon ayaa ku biiray kooxda PSG intii lagu jiray suuqa kala iibsiga ee xagaaga wuxuuna kaga soo biiray Juventus.
Buffon ayaa u soo ciyaaray Juventus 656 kulan, wuxuuna kula soo guuleestay abaal marino badan ee gaar iyo kuwo guud ah mudadii uu ku sugnaa.
Gool FM.