(PSG) 25 agoosto 2018. Laacibka kooxda Paris-Saint-Germain Ángel Di María ayaa ka codsaday macalinkiisa Thomas Tuchel inuu ku ciyaaro qorshaha kooxda Real Madrid.
“Run ahaantii tababare kasta ee aduunka ah wuxuu leeyahay qorsho iyo qaab u gaar ah, Unai Emery wuxuu jeclaa qorsho ah inuu ciyaaro saddex weerar ee kala ah Neymar, Kylian Mbappé iyo Cavani”.
“Waxaan rajeenayaa inaan ka qeyb qaato dhamaan kulamada, laakiin macalin kasta wuxuu xaq u leeyahay inuu doorto shaxdiisa joogtada ah uu door bidayo inuu ku ciyaaro”.
“Waxaan soo jeediyay tababare Thomas Tuchel inaan ka ciyaaro khadka dhexe, wuu ku qanacsan yahay taas”.
“Kulamada ay Karim Benzema, Cristiano Ronaldo iyo Gareth Bale si wada jir ah kaga ciyaareen dhanka weerarka Real Madrid, waxaan ka qeyb qaatay kulamo badan ee khadka dhexe ah, waxaana ka garab ciyaaray Luca Modric iyo Xabi Alonso, waxaana ku guuleesanay Champions League”.
Ángel Di María ayaa kusoo gabagabeeyay hadalkiisa in tababaraha kooxda Paris Thomas Tuchel uu qorsheynayo inuu raaco qorshaha Real Madrid.
Gool FM.