(France) 11 June 2019. Xiddiga kooxda Paris Saint-Germain ee Julian Draxler ayaa ka hadlay wararka la xiriira murankii dhex maray isaga iyo Neymar Jr horaanta bishii May, kaddib kulankii horyaalka France Ligue 1 ay guuldarada kala kulmeen kooxda Montpellier.
Wargeyska “Le Parisien” ayaa ahaa war sidihii ugu horeeyay ee ka hadla inuu dagaal dhex maray xiddigaha Julian Draxler iyo Neymar Jr bishii May, kaddib markii ay guuldaro 3-2 ah kala kulmeen kooxda Montpellier kulankoodii 34-aad ee horyaalka France Ligue 1.
Wargeyska ayaa sheegay in dhamaadka ciyaarta la arkayay inuu dagaal dhex maray labada ciyaaryahan ee Julian Draxler iyo Neymar Jr, kaddib markii uu xiddiga reer Germany ku eedeeyay dhigiisa reer Brazil inuu yahay anaani.
Hadaba wargeyska “Kicker” ee dalka Germany ayaa wuxuu soo bandhigay wareysi uu bixiyay xiddiga khadka dhexe ee Julian Draxler waxaana hadaladiisa ka mid ahaa:
“Maanan ku raacin isaga, sidoo kale waxay ku dheceysaa kof kasta ee ka tirsan kooxda, balse marka ay sidaas ku dhacdo Neymar, wuxuu kaga dhamaanayaa saxaafada qosol”.
“Haddii aadan ku raacsaneyn arin, waa inaad sheegtaa iyadoo aan loo eegin cida ku eegeysa” waxaa iska cad in hadalkan uu yahay mid ku socda Neymar Jr.
“Waxaa dhacay waxaanan ku qancin inta ay ciyaarta socotay, waan careysnaa, waxaana sare u qaaday codkeyga waxaana ku iri erayo qaarkood, laakiin waan xasilay, waxaana caddeeyay inaan ku fiicneyn dhanka maskaxda guusha” ayuu hadalkiisa ku soo xiray Julian Draxler.
Gool FM.