(Yurub) 26 Okt 2019. Kulammo dhowr ah oo ka tirsan shanta horyaal ee ugu waa weyn qaaradda Yurub ayaa maanta iyo caawa la ciyaari doonaa, iyadoo ay ku jiraan ciyaaro xiiso leh.
Waxaan halkaan idin kugu soo gudbinaynaa kulammada laga ciyaari doono maanta iyo caawa Shanta horyaal ee ugu weyn qaaradda Yurub ee kala ah; English Premier League, Italian Serie A, La Ligaha Spain, Bundesliga Jarmalka iyo Ligue 1 Faransiiska.
Aan ku horreyno horyaalka Premier League Ingiriiska, waxaa kulammada ugu waa weyn ka mid ah kuwa ciyaari doonaan kooxaha Chelsea iyo Manchester City.
Man City ayaa soo dhoweyn doonta 2:30 Duhurnimo maanta xilliga geeska afrika naadiga Aston Villa, iyadoo Sky Blues ay doonayso inay Villa ku dubato garoonkeeda Etihad, si ay cadaadiska ugu badiso kooxda ay ku hardamayaan hoggaanka horyaalka Premier League ee Liverpool.
Chelsea ayaa dhankeeda booqan doonta naadiga Burnley caawa 7:30 fiidnimo, waxaana Kooxda Sky Blue ay doonaysaa inay sii wadato guulaha xiriirka ah ee Premier League oo ay ku soo gaareyso meel ka baxsan garoonkeeda.
Dhinaca kale horyaalka La Ligaha Spain haddii aynu eegno waxaa caawa lagu waday in la ciyaaro kulanka El Clasico ee dhexmari lahaa kooxaha Barcelona iyo Real Madrid, balse waa uu baaqday kulankaas oo dib ayuu ugu dhacay bisha dambe ee December.
Horyaalka Serie A haddii aynu eegnana kooxda xafidanaysa horyaalka Talyaaniga ee Juventus ayaa booqan doonta naadiga Lecce 4:00 Galabnnimo, halka Inter Milan ay caawa 7:00 fiidnnimo soo dhoweynayso Parma.
Dhinaca kale waxaa la dheeli doona kulamo ka tirsan horyaalka Bundesliga waxaa kullamada ugu waa weyn dheeli doona kooxaha Bayern München iyo Borussia Dortmund.
FC Bayern München ayaa soo dhoweyn doonta FC Union Berlin, halka naadiga Borussia Dortmund ay booqan doonto kooxda Schalke 04.
Horyaalka Ligue 1 ee Faransiiska haddii aynu eegnana kulamo dhowr ah ayaa la ciyaarayaa waxaana laga xusi karaa Lyon oo qaabilaysa Metz iyo kooxda Lille oo soo dhoweyn doonta Bordeaux.
ENGLISH – PREMIER LEAGUE
2:30 Duhurnimo Manchester City vs Aston Villa
5:00 Galabnimo Brighton & Hove Albion vs Everton
5:00 Galabnimo Watford vs AFC Bournemouth
5:00 Galabnimo West Ham United vs Sheffield United
7:30 Fiidnimo Burnley vs Chelsea
SPAIN – LALIGA SANTANDER
Baaqatay: Barcelona vs Real Madrid
5:00 Galabnimo Leganes vs Mallorca
7:30 Fiidnimo Real Valladolid vs Eibar
10:00 Habeennimo Atletico Madrid vs Athletic Bilbao
ITALY – SERIE A
4:00 Galabnnimo Lecce vs Juventus
7:00 Fiidnimo Inter vs Parma
9:45 Habeennimo Genoa vs Brescia
GERMANY – BUNDESLIGA
4:30 Galabnimo FC Bayern München vs 1. FC Union Berlin
4:30 Galabnimo Schalke 04 vs Borussia Dortmund
4:30 Galabnimo Hertha BSC vs Hoffenheim
4:30 Galabnimo Freiburg vs RasenBallsport Leipzig
4:30 Galabnimo SC Paderborn 07 vs Fortuna Düsseldorf
7:30 Fiidnimo Bayer Leverkusen vs Werder Bremen
FRANCE – LIGUE 1
6:30 Maqribinnimo Lille vs Bordeaux
9:00 Habeennimo Montpellier vs Angers
9:00 Habeennimo Lyon vs Metz
9:00 Habeennimo Strasbourg vs Nice
9:00 Habeennimo Brest vs Dijon
9:00 Habeennimo Reims vs Nimes
Gool FM.