(EUROPE) 28 Okt 2019. Taageerayaasha kubadda cagta adduunka ayaa la socon doono suuqa kala iibsiga furmi doono bisha Janaayo ee soo aadan, kaasoo la filayo inuu noqon doono mid aan caadi aheyn.
Waxaa jirta rajo weyn ay ka qabaan warbaahinta adduunka inay arki doonaan heshiisyo badan muhiim ah ee ka dhici kara suuqa jiilaalka ee furmi doono bisha Janaayo ee soo aadan, marka loo fiiriyo rabitaanka in qaar ka mid ah ciyaartoyda waaweyn kubada cagta ay doonayaan inay ka tagaan kooxahooda.
Waxaa jira sababo badan ee ka dhigi kara suuqa jiilaalka ee soo socda inuu noqdo mid xiiso badan ee ka duwan sidii hore, marka hore ciyaartoy ayaa loo oggol yahay inay kaga qeyb galaan tartanka Champions League laba kooxood ee kala duwan isla hal xilli ciyaareed.
Sidoo kale in bilawga xilli ciyaareedka uu horey ka xirmayo marka loo fiiriyo suuqa kala iibsiga ee xagaaga ee dalka England, waxay tani keentay in naadiyadaha qaar aysan u buuxinin baahiyahooda sida saxda ah, bisha Janaayo waa fursada lagu sameeyn karo arrintaas, halka lagu sugi lahaa xagaaga soo aadan.
Sababaha kale ee nagu qasbi kara inaan sugi doono inay ka dhacaan heshiisyo waaweyn suuqa kala iibsiga Jilaalka ee furmi doono bisha Janaayo ayaa waxay tahay inay jiraan dhibaatooyin kala duwan ay qabaan kooxha qaar ee waaweyn sida Real Madrid, Tottenham, Manchester United iyo kuwa kale oo badan, marka waxaa laga yaabaa inaan aragno kooxahan oo si xoogan u galaya suuqa kala iibsiga bisha Janaayo ee soo aadan.
Haddaba waxaa jira 9 ciyaartoy muhiim ah kuwaasoo uu muran xoogan ka taagan yahay mustaqbalkooda xilligan xilligan la joogo, waxayna u badan tahay inay ka tagaan kooxahooda inta lagu jiro suuqa kala iibsiga ee furmi doono bisha Janaayo ee soo aadan waxaan ay kala yihiin:
Christian Eriksen (Tottenham Hotspur).
Ivan Rakitić (Barcelona).
Hakim Ziyech (Ajax).
Arturo Vidal (Barcelona).
Edinson Cavani (PSG).
Mesut Özil (Arsenal).
Isco (Real Madrid).
Bruno Fernandes (Sporting CP).
Paul Pogba (Man United).
Gool FM.