(Paris) 03 Sab 2016 Laacibka kooxda PSG iyo xulka Italy Marco Verratti ayaa si cad u sheegay in mustaqbalka uu dib ugu laaban doono horyaalka dalkiisa ee SerieA.
Marco Verratti ayaase beeniyay inuusan ku faraxsanayn kooxdiisa haatan ee PSG kadib markii tababaraha xulka qaranka talyaanigu uu sheegay in laacibku uusan ku faraxsanayn qaabka kooxda reer France.
Verratti oo la hadlay saxaafada ka hor kulanka isreeb reebka koobka aduunka 2018 ay la ciyaari doonaan yuhuuda ayaa yiri:
“Waan ku faraxsanahay PSG, waxaan go’aansaday inaan siijoogo Faransiiska mudo dheer, haddii maalin maalmaha kamid ah aan katago PSG ma qarinayo inaan dib ugu laaban doono talyaaniga”.
“Laakiin arinkaas ma ahan mid taagan waqti xaadirkaan” ayuu sii raaciyay laacibka xulka qaranka talyaaniga ee Marco Verratti.
Gool FM