(Yurub) 16 Dis 2019. Waxaa goordhow la sameeyey isku aadka wareegga 16-ka UEFA Champions League, iyadoo ay ka soo baxeen kulamo waa weyn.
Kooxda Jarmalka ee Borussia Dortmund ayaa soo dhoweynaysa naadiga reer France PSG lugta hore ee wareegga 16-ka Champions League.
Kooxda ugu guulaha badan ee tartankan ee Real Madrid ayaa dhankeeda lugta hore ee wareegga 16-ka tartankan soo dhoweyn doonta naadiga uu hoggaamiyo Pep Guardiola ee Manchester City.
Atletico Madrid ayaa soo dhoweynaysa Liverpool oo koobkan Champions League difaacanaysa, halka kulanka ugu adag uu yahay kooxaha Chelsea iyo Bayern Munich.
Barcelona ayaa iyana lagu beegay naadiga Napoli ee dalka Talyaaniga.
Isku aadka wareegga 16-ka oo dhammaystiran halkaan hoose ka eeg:-
Borussia Dortmund vs PSG
Real Madrid vs Manchester City
Valencia vs Atalanta
Atletico Madrid vs Liverpool
Chelsea vs Bayern Munich
Lyon vs. Juventus
Tottenham vs RB Leipzig
Napoli vs Barcelona
Goormee la ciyaari doonaa wareegga 16-ka Champions League?:-
Lugta koowaad ee wareegga 16-ka Champions League ayaa la ciyaari doonaa 18/19 & 25/26 bisha Febraayo 2020.
Lugta labaad ee wareegga 16-ka Champions League ayaa iyana la ciyaari doonaa 10/11 & 17/18 bisha Maarso 2020.
Siddeed dhammaadka UEFA Champions League ayaa isku aadkiisa la sameyn doonaa 20 bisha Maarso, waxaana lugta hore ee siddeeda kooxood la ciyaari doonaa 7/8 April, halka lugta labaad ee siddeed dhammaadka la dheeli doono 14/15 April.
Afar dhammaadka ayaa isagana isku aadkiisa la sameyn doonaa, waxaana isku lugta hore la dheeli doonaa 28/29 April, halka lugta labaad ee afar dhammaadka Champions League la ciyaari doono 5/6 May.
Kulanka Final-ka tartankan UEFA Champions League ayaana ka dhici doona garoonka Atatürk Olimpiyat Stadium ee Magaalada Istanbul, 30 bisha May 2020.
Gool FM.