(Paris) 04 Sab 2016 Laacibka kooxda PSG iyo xulka qaranka France ee Blaise Matuidi ayaa si cad u sheegay inuu doonayay ku biirista kooxda reer talyaani ee Juventus.
Blaise Matuidi ayaa sheegay in Juventus ay ka soo gudbisay dalab rasmi ah isla markaana isagu uu doonayay inuu ku biiro.
Balse laacibka ayaa beeniyay inuusan ku faraxsanayn kooxdiisa PSG, wuxuuna muujiyay inuu aad ugu faraxsanyahay kooxdiisa isla markaana uu la hadlay tababare Unai Emery.
“Waxaa jiray dalab rasmi ah, waxaan doonayay inaan baxo, balse kooxdu waxay qaadatay go’aan kaas ka duwan, waana ku qasbanaa inaan aqbalo” ayuu u sheegay Telefoot.
“Inkasta oo aan doonayay inaan baxo waqti uun, laakiin ma dareemayo niyad jab, aad ayaan ugu faraxsanahay PSG” ayuu sii raaciyay.
Gool FM