(Manchester) 26 Jan 2020. Sida wararku ay sheegayaan mid ka mid ah bartilmaameedyadii ugu weynaa Manchester United ayaa iska diiday inuu u dhaqaaqo dhinaca garoonka Old Trafford.
Weeraryahanka Kooxda Paris Saint-Germain ee Edinson Cavani ayaa lagu soo waramayaa inuu iska diiday dalab qandaraas qaali ah oo uga yimid Manchester United.
Cavani ayaa la rajeynayaa inuu ka tago Kooxda ku ciyaarta garoonka Parc des Princes inta lagu guda jiro suuqa kala iibsiga xilli uu galayo bilihii ugu dambeeyay qandaraaskiisa, waxaan heshiiskiisa kuwada dagaallamaya kooxaha Atletico Madrid, Chelsea iyo Man United.
Baahida Man United ee ku aaddan xoojinta weerarka waxaa sii kordhiyay dhaawaca Marcus Rashford, taasoo ka dhigaysa in Tababare Ole Gunnar Solskjaer uu haysto kaliya Anthony Martial iyo Mason Greenwood.
Redmercato ayaa sheeganaysa in Red Devils ay u soo bandhigtay Cavani qandaraas ku kacaya 10 milyan oo gini sanadkii marka lagu daro lacagta lagu burburin karo heshiiska, laakiin 32-sano jirkaan ayaa iska diiday in uu aqbalo.
Xiddiga reer Uruguay ayaa loo maleynayaa inuu door-bidayo inuu u dhaqaaqo Atletico Madrid, inkastoo kooxda reer Spain ay dhawaan tilmaantay in dalabkoodii ugu horreeyay oo ay ka gudbiyeen Cavani ka soo diiday PSG.
Weerarayahankii hore ee kooxda Napoli ayaa gudbiyay codsi wareejin si uu ugu qasbo kooxda PSG inuu baxo suuqa bishan Janaayo, laakiin qiimaha 20-ka milyan ah oo ay PSG ku doonayso inay ka faa’iido iibinta xiddigan ayaa la fahamsan yahay inay tahay caqabada ugu wayn, maadaama xiddigan si bilaash ah lagu heli karo suuqa xagaaga.
Si kastaba aha noqotee, Edinson Cavani labadiisa waalid ee Hooyadiisa iyo Aabihiis ayaa labaduba isku raacay in laacibkan uu ku biirayo Kooxda Atletico Madrid haddii uuba ka tagayo naadiga ka dhisan Magaalada Paris.
Gooldhaliyaha ugu sarreeya PSG ayaa dhaliyay 198 gool oo kooxda ah tartammada oo dhan, laakiin imaatinka Kooxda reer France ee Icardi ayaa waayeelkan u tilmaamaysa Albaabka dambe ee looga baxo garoonka Parc des Princes.
Gool FM.