(Nice), 21 Sebt 2016 –Weeraryahanka Mario Balotelli ayaa caawa 2 gool u dhaliyay mar kale kooxdiisa Nice ciyaartii derbyga ahayd ee Cote d’azur ee ay 4-0 ku garaaceen kooxda Monaco ee ka tirsanayd kulammadii 6′ ee Ligue 1 Faransiiska.
Balotelli oo goolashan kala dhaliyay daqiiqadihii 30′ iyo 69′ ayaa waxay noqonayaan goolashiisii 4-aad ee uu naadigani u dhaliyo labadii kulan ee Horyaalka ee uu u saftay, haddii si kale loo dhigana 195 daqiiqo ayay ku qaadatay inuu afartaasi gool ugu dhaliyo Nice.
Wakiilka Mario Balotelli Raiola ayaa weli ku adkeysanaya in marka sanadka amaahda ah ay u dhamaato Balotelli uu dib ugu laaban doono Horyaalka Ingiriiska, waxaana kooxda Nice haatan ay hoggaanka u haysa Horyaalka Faransiiska, iyadoo leh 14 dhibcood.
Gool FM