(Paris) 22 Sebt 2016 Xiddiga reer France ee Hatem Ben Arfa ayaa qarka u saaran inuu isaga tago kooxdiisa PSG oo uu la joogo oo kaliya bilo yar.
Laacib kaan ayaa si xor ah ugu soo biiray PSG suuqii xaggaaga markaas oo tababare Unai Emery uu u arkay laacib waxbadan ku soo kordhin kara safkiisa.
Tababare Emery ayaa shaxdiisa ka saaray 29 jirka reer France 3-dii kulan ee ugu danbeeyay, balse laacibka ayaa lagayaabaa inuu ku biiro Southampton bisha janaayo.
Sida ay baahisay Mirror, tababaraha Southampton Claude Puel ayaa doonaya inuu ka faa’idaysto dhibaatada dhex taala PSG iyo laacibka si uu ula saxiixdo bisha janaayo.
Claude Puel iyo Ben Arfa ayaa xiliciyaareedkii hore kuwada qaatay kooxda Nice ee dalka Faransiiska, laakiin waxaa suurogal ah in markale ay ku midoobaan horyaalka ingiriiska.
Gool FM