(Manchester) 11 Maajo 2020. Sida uu ku waramayo xiddiga naadiga PSG ee Ander Herrera ayaa shaaca ka qaaday in Paul Pogba uu weli mustabal ku leeyahay Kooxda Manchester United.
Ander Herrera ayaa sheegtay in Paul Pogba uu doorkiisa ka ciyaari karo inuu ka caawiyo Kooxda Manchester United inay ku guuleysato horyaalka Premier League.
Iyadoo Pogba uu durbadiiba muujiyay rabitaankiisa ah inuu ka tago garoonka Old Trafford, wararka ayaa soo jeedinaya inay Man United diyaar u tahay inay lacag kaash ah ku hesho ku guuleystaha Koobka Adduunka inta lagu jiro suuqa kala iibsiga ee soo socda.
Si kastaba ha noqotee, Herrera oo ay isku koox ahaayeen xiddiga xulka qaranka Faransiiska ayaa dareensan in kubadsameeyahan uu soo laaban karo qaabkiisii ugu fiicnaa marka kubadda cagta ay dib u soo laabato kaddib karaantiilka u geliyey Coronavirus.
Isagoo la hadlayey Shabakadda ESPN, Herrera wuxuu yiri: “Pogba wuxuu noqon karaa ciyaaryahanka khadka dhexe ee ugu fiican Adduunka, marka la eego tayada, wuxuu leeyahay wax walba, waligeey ma arkin khadka dhexe oo leh dhammaan tayada aad heysan karto, wuxuu awoodaa inuu soo kabasho ka sameeyo kubbado badan, wuu madaxeyn karaa kubadda, wuxuu dhalin karaa goolal, wuu difaaci karaa, wuu weerari karaa, wuu xoog badan yahay, wuuna dheer yahay.
“Waa run in tan iyo markii uu yimid kooxda inuu waxoogaa horumar iyo hoos u dhac ah sameeyay, laakiin markii uu fiicnaa, runtii wuu fiicnaa, waa cajiib, waxay ahayd wax lagu farxo in la la ciyaaro.
“Waxaan u maleynayaa in dhammaan taageerayaasha Manchester United ay rabaan inay arkaan Pogba oo ah kan ugu fiican, taasi waa ay dhici kartaa sababtoo ah Bruno Fernandes, waxaan u maleynayaa inay Manchester United sameyn karto waxyaabo waa weyn.”
Pogba ayaa kaliya saftay siddeed kulan tartammada oo dhan xilli ciyaareedkan, midkoodna ma uusan imaan sanadka 2020.
Gool FM.