(Paris) 28 Dis 2020. Macallin Mauricio Pochettino ayaa la soo warinayaa inuu heshiis horudhac ah la sii gaaray kooxda reer ee Paris Saint-Germain si uu majaraha ugu qabto.
Hoggaamiyaha reer Argentine ayaa raadinaya kooxdiisa xigta oo uu tababare u noqon doono waxaa la sheegayaa inay kooxdaasi haatan tahay naadiga PSG.
Suxufiga arrimaha suuqa looga dambeeyo ee Fabrizio Romano ayaa shaaca ka qaaday in Tababarihii hore ee Kooxda Tottenham, Mauricio Pochettino uu heshiis cusub la sii galay naadiga Paris Saint-Germain si uu u noqdo macallinkooda cusub.
Waxa uu warbixintiisa Suxufigan intaa ku daray in heshiiskaba uu Pochettino u saxiixay PSG, iyadoo Kooxdu ay sidoo kale dhameystirtay bixitaanka Thomas Tuchel.
Tuchel ayaa lagu wadaa inuu helo 6 milyan oo euro oo magdhow ah kaddib markii ay cayriyeen xilli hore isagoo aan qandaraaskiisu dhammaanin.
Saacadaha yar ee soo aaddan ayaa lagu wadaa in macallinkii hore ee Spurs, Pochettino loo magacaabo tababaraha cusub ee PSG.
Gool FM.