(Paris) 11 Maarso 2021. Tababaraha kooxda Barcelona Ronald Koeman ayaa muujiyay sida uu ugu qanacsan yahay ciyaartii kooxdiisa ay la ciyaartay Paris Saint-Germain, lugtii labaad wareega 16-ka ee tartanka Champions League.
Paris Saint-Germain ayaa tartanka Champions League ka ciribtirtay kooxda Barcelon una gudubtay wareega xiga ee siddeeda, kaadib markii ay barbardhac 1-1 ah ku kala baxeen Barcelona kulankii lugta labaad ee wareega 16-ka, balse PSG ayaa ku soo baxday farqiga goolasha 5-2 maadaama ay kulankii lugta hore ee wareega 16-ka ku soo adkaatay 1-4.
Kaddib ciyaarta macalinka reer Holland ee Ronald Koeman ayaa u sheegay warbaahinta:
“Waa nalaga reebay, tanina waa waxa muhiim ka ah isboortiga, laakiin waxaan la tagnay dareen wanaagsan.”
“Waxaan helnay fursado badan oo aan xaallada ugu adkeyn karnay kooxda naga soo horjeeday, waxaan fiicneyn qeybtii hore, Qatar ayaa galinay, waxaan uqalnay wax intaa kabadan, ugu yaraan 2-1, haddii ay dhici laheyd natiijadaas, qeybta labaad wey ka duwanaan laheyd gabi ahaanba.”
“Waxay ku guuleysteen wax qabadka kulankii lugta hore, laakiin taas ma aanan sameynin maanta, waxay dhaliyeen 4 gool, waxaana dhalinay 1 gool, tani waa farqi weyn, guul la’aanta lama dhaliili karo, kooxda waxay sameysay dadaal weyn, nasiibka ayaa naga hiiliyay shuduudka qaar, goolhayahooda ayaa ahaa kan ugu fiicanaa garoonka.”
“Waan ku faraxsanahay waxa ay kooxda sameysay 90-ka daqiiqo, waxaan u qalnay inaan guuleysano ciyaarta ugu yaraan, qof walba oo Barcelona ah wuu ku faani karaa kooxda maanta.”
“Madaxweynaheena Joan Laporta wuxuu noo muujiyay falcelin wanaagsan, waxaan aragnay koox dooneysa inay soo laabato, laakiin waxay aheyd inaan ka faa’ideysano fursadaha, tani waa farqiga u dhexeeya anaga iyo Paris Saint-Germain.”
Gool FM.