(London) 10 Maarso 2016. Eden Hazard oo awalba xilli ciyaareekan oo idil ku jiray qaab ciyaareed liita ayaa misane xalay isku sii diray taageerayaasha Chelsea kulankii Blues looga soo reebay tartanka Champions League kaddib guul darro ay kala kulmeen kooxda PSG.
Hazard ayaa markii la maray qeybtii hore ee ciyaarta maaliyadiisa ka badeshay Angel Di Maria taa oo aad uga careysiisay taageerayaasha Blues oo xitaa ku ooriyay laacibkooda mar uu badel ku baxay kadddib dhaawac soo gaaray.
Ma ahan markii ugu horreysay oo sidan oo kale dhacdo oo uu laacib maaliyad ka badesho xiddig kale iyadoo xitaa ay dhamaan ciyaarta taa oo soo saarta carada taageerayaasha oo waxaa sidaa oo kale sameeyay Mario Balotelli mar uu maaliyada ka badeshay daafaca Real Madrid Pepe kulan ka tirsanaa Champions League oo dhex maray Real Madrid iyo Liverpool 2014.
Sidoo kale daaficii hore ee Arsenal Andre Santos ayaa maaliyadda ka badeshay Robin van Persie ciyaarta qeybteedii hore kulan ay Gunners guul darro 2-1 kala kulantay kooxda Man United 2012 inkastuu laacibka mar dambe saaxiibadiisa ka raali galiyay falkii uu sameeyay.
SAWIRRO:
Gool FM.