(London) 06 Luulyo 2021. Matteo Guendouzi ayaa ka tagay kooxda kubadda cagta Arsenal, waxaana uu ku biiray naadiga reer France ee Marseille.
Heshiiska uu Guendouzi ugu biiray Kooxda Marseille ayaa ah heshiis amaah ah, waxaana heshiiska qeyb ka ah in naadiga reer France ay wada iibsan karto laacibkan xagaaga soo socda.
Matteo Guendouzi ayay macsalaameyn u sameesay Arsenal, inkastoo ka hor inta uusan u dhaqaaqin Olympique Marseille aan si wanaagsan loola dhaqmin.
Ciyaaryahanka khadka dhexe ee Faransiiska oo xilli ciyaareedkii hore amaah ku qaatay Hertha Berlin ayaa soo dhigay bartiisa Instagram-ka qoraal dheer oo uu ku xaqiijinayey warkaan.
Waxa uu ku soo qoray bartiisa Instagram-ka: “Waad mahadsan tihiin Arsenal. Waad ku mahadsan tihiin wax walba!”
Gool FM.