(Paris) 07 Luulyo 2021. Kooxda kubadda cagta Paris Saint-Germain ayaa lagu soo warramayaa inay la xiriirtay wakiillada laacibka Manchester United ee Paul Pogba kaasoo galay sanadkii ugu dambeeyay qandaraaskiisa Old Trafford.
Maamulka kooxda Paris ka dhisan ayaa doonaya inay Pogba la saxiixdaan xagaagan iyagoo aaminsan inay ku heli karaan qiimo hoose maadaama ay Man United halis u galeyso inay laacibkeeda khadka dhexe ka ciyaara bilaash ku lumiso 12 bilood kaddib.
Sida laga soo xiganayo wargeyska Foot Mercato, Madaxweynaha PSG ee Nasser Al-Khelaifi iyo agaasimaha ciyaaraha kooxdaas ee Leonardo ayaa xiriir dadban la sameeyay kubbad qaabeeya xulka France iyagoo maanka ku haya inay loollan kala kulmi doonaan suuqa kala iibsiga ciyaartoyda.
Si kastaba ha ahaatee, 28-sano jirkan ayaa laga deyrinayaa mustaqbalkiisa isagoo aanan wali aqbalin inuu heshiiska u kordhiyo Red Devils, waxaana kooxaha saxiixiisa doonaya ku jira Juventus iyo Real Madrid kuwaasoo tartan adag gelin doona kooxda ka ciyaarta horyaalka Ligue 1 ee dalka Faransiiska.
Gool FM.