(Paris) 07 Luulyo 2021. Wararkii ugu dambeeyay ee suuqa kala iibsiga xiddiga qaaradda Yurub ayaa sheegaya in Sergio Ramos uu ka gudbay tijaabada caafimaadka ee uu ugu biirayo kooxda Paris Saint-Germain sida uu bartiisa twitter-ka ku sheegay joornaaliistaha la isku halleyn karo ee Fabrizio Romano.
Halyeyga Real Madrid ayaam kusii dhowaanaya ku biirista naadiga PSG isagoo horraan qalinka dul dhigay heshiis labo sano ah oo uu uga biirayo Faransiiska, waxaana wehlinayay walaalkiis Rene Ramos.
35-sano jirka difaaca dhexe ka ciyaara ayaa haatan sugaya inay kooxda Ligue 1 ciyaarto si rasmi ah u shaaciso inay saxiixiisa gacanta ku dhigtay.
Gool FM.