(Madrid) 10 Luulyo 2021. Waxaa soo baxay warbixin ka hadlaysa Karim Benzema iyo Kylian Mbappe & haddii ay wada joogi doonaan Kooxda ka dhisan caasimadda Spain ee Madrid.
Jariiradda Marca ka soo baxda Spain ayaa warinaya in Karim Benzema uu sii joogi doono Kooxda Real Madrid xitaa haddii uu xagaagan yimaado Kylian Mbappe.
Los Blancos ayaa isha ku haysa inay xoojiso safkeeda xagaagan, iyadoo u dhaqaaqeysa soo xero-gelinta xiddiga Kooxda PSG iyo Xulka qaranka France ee Mbappe.
Warbixinta waxaa lagu sheegay taasi inaysan wax saameyn ah ku yeelan doonin mustaqbalka Benzema, iyadoo 32-sano jirkaan uu rajeynayo inuu qandaraaskiisa Real Madrid ku kordhiyo sanad kale oo dheeri ah oo uu gaarsiiyo illaa sanadka 2023-ka.
Gool FM.