(Paris) 06 Agoosto 2021. Warar hordhac ah ayaa ka soo baxaya in Lionel Messi uu ku sii jeedo magaalada Paris, si uu ugu kooxda Paris Saint-Germain.
Majadalada ciyaaraha ka faalooda qaarkood ayaa waxay sheegeen in kabtankii hore Barcelona ee Lionel Messi uu doortay ka mid noqoshada kooxda PSG, isla markaana uu u saxiixi doono heshiis labo sano ah ee qayaar uu u heysto inuu sanad kale ku kordhiyo heshiiskaas.
Kooxda reer France ayaa dooneysa inay heshiiska Lionel Messi dhameystirto horaanka toddobaadka bari bilaabanaya, isla markaana waxay ku dhow yihiin in sacadaha yar ee soo aadan ay la kulmaan aabaha ahna wakiilka ciyaaryahanka ee Jorge Messi.
Dhanka kale, PSG ayaa ballan ka qabsatay birta dheer ee Paris (Eiffel Tower) 10-ka bisha Agoosto, weliba sabab aan la garanayn, iyada oo markii ugu dambeeysan oo ay kooxda reer France balan ka qabsato birta dheer ee (Eiffel Tower) ay ahayd markii ay soo dhaweenayeen Neymar Jr.
Xiddigaha reer Argantina ee Lionel Messi ayaa wararka waxay tilmaamayaan in kooxda Paris Saint-Germain uu u xiran doono lambarka 19-aad.
Wixii warar ah ee ku soo kordha wararkeena dambe ayaad kala socon doontaan.
Gool FM.