(Madrid) 09 Agoosto 2021. Toni Kroos ayaa shaaca ka qaaday inaysan noqon doonin wax la la yaabo haddii Real Madrid ay xagaagan la soo saxiixato Kylian Mbappe, iyadoo Los Blancos si weyn loola xiriirinayo xiddigan ka tirsan Kooxda Paris Saint-Germain.
Mbappe ayaa galay sanadkii ugu dambeeyay ee heshiiskiisa haatan ee Kooxda reer France, mana uusan bixin wax tilmaam ah oo lagu garan karo in heshiiska u kordhin doono PSG.
Xaaladdaas ayaa xiisayneysa kooxaha miisaanka culus ee La Liga inay soo doontaan xiddigaan, iyadoo Madrid ay Mbappe ka dhigatay bartilmaameedka ugu sarreeya, Kroos wuxuu qabaa in heshiis la gaari karo ka hor waqtiga kama dambaysta ah ee suuqa kala iibsiga uu ku egyahay.
Isagoo la hadlayey Wargeyska SportBild ayaa u sheegay sheeko dheer oo ku saabsan suuqa kala iibsiga, Kroos ka yiri Mbappe: “Waxaan doorbidayaa inaan ka hadlo saxiixyada marhore la dhammeystiray, laakiin maadaama ay Real mar walba dooneyso waxa ugu fiican, wax layaab ah ma noqon doonto.
“Waxaa isaga oo ku xiga, Erling Haaland waa hubaal inuu yahay ciyaaryahanka loogu xiisaha badan yahay suuqa, sidaa darteedna, ma’ahaan doono mid raqiis ah, waa inaanan illoobin inaan ku jirno xilli aysan jirin lacag aan dhammaad lahayn, isla waqtigaasna waxaan dhammeystireynaa garoonkeenna, kaasoo sidoo kale aan lacag la’aan ahayn.” ayuu hadalkiisa ku daray Kroos.
Gool FM.