(Paris) 09 Agoosto 2021. Lionel Messi ayaa qarka u saaran inuu tijaabada caafimaad u maro Kooxda PSG kaddib markii uu ka tagay Barcelona.
Messi ayaa tijaabada caafimaad mari doona maanta oo Isniin ah, isagoo isku diyaarinayo inuu dhammaystiro u dhaqaaqistiisa PSG.
Xiddiga xulka qaranka Argentina ayaa shir jaraa’id oo uu illinta ceshan kari waayey shalay oo Axad ah ku qabtay garoonka Camp Nou, isagoo sagootinayey taageerayaasha Barcelona soo garab taagnaa 21-ka sano.
Messi ayaa ahaa beeca xorta ah tan iyo 30-ka bishii June, laakiin waxa uu ogolaaday heshiis shan sanadood ah oo uu kula sii joogi lahaa Blaugrana, balse labada dhinac ayaa rajadoodii ahayd inuu saxiixo heshiis laacibkan heshiiska cusub bishaan uusan hirgelin, ugu dambeyna dhanka dhaqaalaha ayay ku kala tageen.
Wargeyska L’Equipe ee ka soo baxa Faransiiska ayaa warinaya in 34-sano jirkaan uu tijaabada caafimaad mari doono maanta oo Isniin ah, ka hor inta uusan saxiixin heshiis labo sanadood ah.
Heshiiskaas oo sidoo kale lagu dari doono inuu qiyaar u haysto in sanad kale oo dheeri ah lagu kordhiyo.
Gool FM.