(Paris) 10 Agoosto 2021. Kooxda kubadda cagta PSG ayaa diyaar u ah inay iska dirto tiro ciyaartooy ah oo mushaharaad badan ka qaata, si ay u dhammaystirto saxiixa Lionel Messi.
Kooxda ka dhisan Caasimadda Faransiiska ayaa isku diyaarinaysa inay suuqa dhigto illaa 10 ciyaaryahan oo safkeeda ah si ay ogolaansho ugu hesho inay la soo wareegto Kabtankii hore ee Kooxda Barcelona Lionel Messi.
Warsidaha Athletic ayaa warinaya in PSG ay iibinayso 10 xiddig oo uu ka mid yahay ciyaaryahankii hore ee khadka dhexe ee Kooxda Everton Idrissa Gueye, si loo dhammaystiro saxiixa xiddiga reer Argentina.
Illaa iyo haatan lama oga magacyada 10-ka ciyaaryahan ee ay PSG suuqa dhigeyso marka laga reebo Idrissa Gueye, laakiin wakhtiyada soo aaddan ayaa la ogaan doonaa.
Gool FM.