(Turin) 11 Agoosto 2021. Bilawgii xagaagan, magaca Cristiano Ronaldo ayaa dhex heehaabayay wargeysyada ka faallooda suuqa kala iibsiga kahor inta aysan kooxdiisa Juventus xaqiijin inuu sii joogi doono xilli ciyaareedka, balse taas caksigeed, waxaa Barcelona ka dhaqaaqay kabtankeedii Lionel Messi taasoo keentay inay hadda soo if baxdo in Jose Fonte uu marwalba farriin u diro Ronaldo si ay isku koox u noqdaan.
Fonte ayaa daafaca dhexe uga ciyaara naadiga Lille ee ku guuleysatay horyaalka Ligue 1, waxaana kooxda uu kabtanka u yahay isku dayay inuu ku qalqaaliyo CR7.
“Aad ayay u xiiso badan tahay, sida iska cad, marka loo eego tartamayaasha, annaga si daran ayay noogu sii darnaan doontaa balse waa inaan loollannaa” ayuu difaaca reer Portugal u sheegay talkSPORT mar uu ka hadlayay imaanshaha Messi ee kooxda PSG.
“Farriin ayaan u diraa Cristiano Ronaldo si uu Lille u imaado maalin kasta, balse waxa uu iigu soo jawaabaa kaliya ‘Hahahaha'”.
37-sano jirkaan ayaa laacibka Juve la wadaagay qolka lebiska ee xulka qaranka Portugal, waxaana uu si aanan dhab loo qaadan karin u sheegay inuu tol yeertay Ronaldo, balse jawaab qosol ah kaliya uu helay.
Gool FM.