(Paris) 12 Agoosto 2021. Sanado badan oo ay kubadda cagta ku xafiiltamayeen kaddib, haatan Sergio Ramos iyo Lionel Messi ayaa ka wada tirsan hal naadi kaddib markii ay xagaagan kusoo biireen naadiga Paris Saint-Germain.
Labadan xiddig oo kabtanno u ahaa kooxahoodii Barcelona iyo Real Madrid ayaa ku guuldarreystay inay heshiisyo cusub la galaan kooxahooda markii ay 30-kii June dhacay dhaceen qandaraasyadii ay kula jireen kooxahii ay kasoo tageen, waxayna sidaas darteed qaab bilaash ah ugu soo dhaqaaqeen caasimadda Faransiiska.
Ramos oo kaga soo horreeyay Messi naadiga PSG ayaa kusoo dhoweeyay weeraryahankii hore ee Barca naadiga ka ciyaarta horyaalka Ligue 1, waxaana uu bartiisa Twitter-ka kusoo qoray: “Yaa ku fikiray sidaan, sow ma ahan Leo?”, waxaana uu soo raaciyay sawirkan hoose ee maaliyadaha labada xiddig ee naadiga PSG.
Gool FM.