(Paris) 29 Okt 2021. Xiddiga kooxda Paris Saint-Germain ee Neymar Jr ayaa muujiyay rabitaankiisa ah inuu ku celceliyo guusha saaxiibkiis Lionel Messi, oo ay markale si wadajir ah ugu guuleystaan koobka Champions League.
wargeyska Mundo Deportivo ee dalka Spain ayaa daabacay wareysiga uu bixiyay xiddiga reer Brazil ee Neymar Jr, wuxuuna yiri:
“Waxaan rajaynayaa in aniga iyo Messi aan ku celin doono wixii aan ku samaynay Barcelona.”
“Waxaan Paris imid sanadkii 2017-kii, anigoo ujeedkeygu ahaa inaan ku guuleysto Champions League, hadana waxaan heysanaa koox xoogan.”
“Waxaan heysanaa ciyaartoy tayo sare leh, muhiim ma ahan in lagu xisaabtamo tayada shaqsiga ah.”
“Waxaan u baahanahay inaan si wadajir ah ula qabsano, marka aan taas gaarno, waxaan noqon doonaa koox aad u xoogan.”
Yeelkeeda, Neymar ayaa ka tagay Barcelona xagaagii 2017, kaddib markii kooxda PSG ay jabisay qandaraaskiisa iyadoo bixisay lacagta lagu burburin karo ee 222 million euros, taasoo ka dhigtay inuu noqdo ciyaaryahanka ugu qaalisan taariikhda kubadda cagta adduunka.
Sidoo kale Lionel Messi ayaa isagana xagaagii lasoo dhaafay ugu biiray safka kooxda Paris Saint-Germain, heshiis beeca xurta ah, kaddib markii lagu guuldarreystay inuu cusbooneyso qandaraaskiisa naadiga Barcelona.
Gool FM.