(Manchester) 03 Feb 2022. Kooxda kubadda cagta Manchester United ayaa la soo warinayaa in Macallin Mauricio Pochettino uu yahay Tababaraha ay kalsoonida ku qabto ee u beddeli doona hoggaamiyahooda ku meel gaarka ah ee Ralf Rangnick.
Sida ay daabacday Jariiradda The Mirror kooxda Manchester United ayaa kalsooni sii kordheysa ku qabta inay Mauricio Pochettino u magacawdo tababareheeda xagaagan.
Naadiga lagu naanayso Red Devils ayaa tababarihii hore ee Tottenham ka dhigatay bartilmaameedkeeda ugu sarreeya si uu u bedello maamulaha ku meel gaarka ah ee Ralf Rangnick, kaasoo labo sano qaadan doona shaqada la-talinta Kooxda dhammaadka xilli ciyaareedkan.
Pochettino ayaa kaliya 13 bilood ka hor ku biiray PSG, laakiin kooxda horyaalka Faransiiska ee Ligue 1 ka ciyaarta ayaa doonaysa inay u ogolaato Tababarha reer Argentine tago suuqa xagaaga.
Gool FM.