(Paris) 26 Feb 2022. Mustaqbalka macallinka naadiga kubadda cagta Paris Saint-Germain ee Mauricio Pochettino ayaa wali shaki weyn ku jira, waxaana haatan sii dhowaanaya inuu ka tago PSG dhammaadka xilli ciyaareedkan xilli uu door badiyo hoggaaminta kooxda Real Madrid in ka badan Manchester United oo iyadu dooneysa inay khibraddiisa ka faa’ideysato.
Sida laga soo xigtay wargeyska Sport ee dalka Spain, Pochettino ayaa ka qoomameynaya inuu iska diiday dalabkii uu Los Blancos ka helay sanadkii 2019 markaas oo uu macallin u ahaa Tottenham Hotspur, waxaana uu wargeyska intaas ku daray inuu macallinka reer Argentina haatan doonayo qabashada xilka macalinnimo ee Real Madrid.
Dhinaca kale, shaki weyn ayaa ku hareersan mustaqbalka Carlo Ancelotti ee naadiga Madrid iyadoo la filayo inuu shaqada isaga tago dhammaadka xilli ciyaareedkan sida lagu helayo wararka ka imaanaya dalka Spain.
Si kastaba ha ahaatee, qandaraaska Pochettino ee garoonka Parc des Princess ayaa dhici doona dhammaadka xilli ciyaareedka xiga, balse xagaagan ayaa lasoo warinayaa inay isaga iyo kooxda reer France qorsheynayaan inay safaaradaha kala rartaan xilli ay Poch xiiseynayaan Man United iyo hoggaamiyeyaasha La Liga.
Gool FM.