(Milano) 11 Juun 2022. Wargeyska Gazzetta dello Sport ayaa shaaca ka qaaday xiisaha Paris Saint-Germain ee ku aadan saxiixa daafaca naadiga Inter ee Milan Škriniar, inta lagu guda jiro suuqa kala iibsiga xagaaga.
Inter ayaa lagu soo waramayaa inay diiday dalab uga yimid Paris Saint-Germain oo ay ku dooneysay inay Škriniar kula wareegto 50 million euros.
Nerazzurri ayaa dalbatay ugu yaraan 70 million euros si ay uga tanaasulaan xiddiga heerka caalami ee dalka Slovakia, kaasoo sidoo kale laga doonayo Tottenham Hotspur iyo Chelsea.
Inter uma ogolaan doonto daafaca dhexe inuu ku baxo qiimo jaban, inkastoo ay xaqiiqadu tahay inuu qandaraaskiisu ku eg yahay June 2023, ciyaaryahanka ayaana dhowr jeer xaqiijiyay inuu doonayo inuu sii joogo garoonka San Siro.
Yeelkeeda, warbixintan ayaa lagu sheegay inay jirto rajo laga qabo in Paris Saint-Germain ay soo bandhigto dalabkeeda isku day labaad oo ay Nerazzurri ku qanciso inay iska iibiso ciyaaryahankeeda.
Milan Škriniar ma ahan xiddiga kaliya ay ka bar-tilmaameed saneyno horyaalka Talyaaniga kooxda Paris Saint-Germain, ee sidoo kale waxay ka dooneysaa daafaca Napoli ee Kalidou Koulibaly, kaasoo ay ka gudbisay qiimo dhan 40 million si ay u hesho adeegiisa.
Gool FM.