(Madrid) 14 Juun 2022. Laacibka reer France ee Aurélien Tchouaméni ayaa maanta tijaabada caafimaadka u maray kooxdiisa cusub ee Real Madrid.
Barnaamijka caanka ah “El Chiringuito” ee dalka Spain ayaa baahiyay muuqaal ah Tchouaméni oo soo gaaray xarunta Real Madrid Saakay oo Talaado ah, kahor inta uusan marin baaritaanada caafimaad.
Real Madrid ayaa bayaan rasmi ah oo ay soo saartay maalmo ka hor ku sheegtay:
“Kooxdu waxay kula heshiisay Monaco in Tchouaméni uu u soo wareego ciyaartoyga safkeena 6-da xili ciyaareed ee soo socda.”
Warar ay daabaceen warbaahinta ayaa sheegay in qiimaha heshiiska uu gaarayo 80 million euros, marka lagu daro gunnooyinka oo lagu qiyaasay 20 million euros.
Chuamini ayaa 50 kulan la ciyaaray Monaco tartamo kala duwan, wuxuuna u dhaliyay 5 gool.
Gool FM.