(Paris) 17 Okt 2022. Magaalada Paris ee caasimadda Waddanka Faransiiska ayaa caawa lagu guddoonsiiyey Karim Benzema abaal-marinta laacibka ugu fiican kubbada cagta adduunka ee Ballon d’Or 2022.
Kabtanka Kooxda Real Madrid ee Karim Benzema ayaa markiisii ugu horreysay caawa ku guuleystay abaal-marintan Ballon d’Or, waxaana uu ku garaacay, xiddigaha kala ah Sadio Mané, Robert Lewandowski, iyo Kevin De Bruyne.
Benzema ayaa kooxdiisa Real Madrid ku hoggaamiyay inay ku guuleysato horyaalka Spain iyo tartanka Champions League xilli ciyaareedkii hore, waxaana sidoo kale loo caleemo saaray gooldhaliyaha ugu sarreeya labada tartan.
Gool FM.