(Paris) 18 Okt 2022. Halyeyga Paris Saint-Germain ee Raí ayaa tallo dahabi ah siiyay Kylian Mbappé, kaddib markii la sheegay inuu doonayo inuu ka tago kooxda.
Hadalka Raí ayaa imaanaya kaddib markii Mbappé uu xaqiijiyay inuu ku faraxsan yahay Paris Saint-Germain, isla markaana uusan waligiis codsan inuu ka tago kooxda, inkastoo ay jiraan warar xaqiijinaya.
Shabakada SportSkeeda, ayaa shaaca ka qaaday wareysi uu bixiyay Halyeyga Paris Saint-Germain ee Raí, waxaana hadaladiisa ka mid ahaa:
“Ciyaartoyda maanta waxay leeyihiin awood ka badan sidii ay waayaheyga u ahaan jireen, Waxaan la ciyaaray Romario, ciyaartoyda aan si fudud loola macaamili karin, wuxuu ahaa mid aad u tayo badan, rabitaan iyo harraad badan.”
“Waayaha xirfadeed si degdeg ah ayey u socotaa, Laakiin mararka qaarkood waa inaad sidoo kale waqti siisaa, Mbappe wuxuu heli doonaa waqti uu ku tijaabiyo waxyaabo badan inta lagu jiro xirfadiisa ciyaareed.”
“Haddii Mbappe uusan dareen wanaagsan ka qabin xiriirka uu la leeyahay jawiga, dhammaan faahfaahinta ma ahan kuwo wanaagan, markaas way dhacdaa.”
“Ma heli kartid wax kasta oo aad rabto da’ada 23-aad, waa inaad wax dhistaa, horay ayuu u noqday horyaal adduunka, wax badan ayuu qabtay, wax badanna wuu qaban doonaa.”
Gool FM.