(Yurub) 22 Okt 2022. Xiddiga da’da yar ee Barcelona, Gavi ayaa shalay ku guuleystay abaal-marinta wiilka dahabka ah ee ugu wanaagsan sanadka ee Golden Boy, maalmo kaddib markii la guddoonsiiyey abaal-marinta Kopa Trophy ee ciyaartoyga ugu fiican da’yarta adduunka sannadkan.
Gavi ayaa abaal-marinta wiilka dahabiga ah ku garaacay xiddigaha da’da yar ee Camavinga, Bellingham iyo Musiala.
Si aad abaal-marinta u hanato waxaa shardi ah inaad ka yartahay 21-jir, isla markaana aad ka ciyaarto horyaallada waa wayn ee Yurub, haddii aad mar ku guuleysatana markale kuma guuleysan kartid oo mar waliba waxaa ku guuleysanaya abaal-marinta da’yar cusub.
Tuttosport oo abaal-marintan bixisa ayaa sheegay in abaal-marintan lagu guddoonsiin doono Gavi xaflad lagu qaban doono magaalada Turin ee waddanka Talyaaniga marka ay taariikhdu tahay 7-da bisha November.
Haddaba waxaan halkan kugu heynaa sida loogu kala guuleystay Abaal-marinta Wiilka dahabiga ah ee Golden Boy tan iyo markii bixinteeda la bilaabay 2003-dii:-
2003 – Rafael van der Vaart
2004 – Wayne Rooney
2005 – Lionel Messi
2006 – Cesc Fabregas
2007 – Sergio Aguero
2008 – Anderson
2009 – Alexandre Pato
2010 – Mario Balotelli
2011 – Mario Gotze
2012 – Isco
2013 – Paul Pogba
2014 – Raheem Sterling
2015 – Anthony Martial
2016 – Renato Sanches
2017 – Kylian Mbappe.
2018 – Matthijs de Ligt
2019 – João Félix
2020 – Erling Haaland
2021 – Pedri
2022 – Gavi
Gool FM.