(Doha) 17 Dis 2022. Karim Benzema ayaa kasoo muuqday Instagram-ka isaga oo diray farriin maldahan, Laacibka kooxda Real Madrid ayaa muran ka dhahshay safar uu ku tagi lahaa dalka Qatar si uu uga qeyb galo finalka Koobka Aduunka ee u dhaxeeya xulalka France iyo Argentina.
Tababare Didier Deschamps ayaa si qallafsan uga jawaabay suurtagalnimada in Karim Benzema uu ku soo laabanayo safka xulka qaranka France kaddib markii uu ka soo kabsaday dhaawac ka hor istaagay inuu sii wato safarkiisa Koobka Adduunka 2022 ee dalka Qatar.
Benzema ayaa fahmay in uusan soo dhawaynin tababaraha xulka qaranka France inkasta oo uu muddo todobaad ah tababar qaadanayay isaga oo aan wax dhibaato ah kala kulmin saaxiibadiisa Real Madrid ee Valdebebas, waxaana intaas u dheer inuu si caadi ah u ciyaaray kulan saaxiibtinimo oo ay la ciyaareen Leganes.
Xitaa madaxweynaha Faransiiska, Emmanuel Macron, wuxuu rabay in Karim Benzema uu joogo caasimadda Qatar, waxayna u muuqataa inaysan taasi dhici doonin.
Benzema ayaa soo qoray isaga oo ka jawaabaya wararkii ugu dambeeyay, isaga oo aan wax tafaasiil ah ka bixin, wuxuuna yiri: “Waxba igama gelin.”
Kaddib wuxuu Instagram-ka soo galiyay sawir kale oo uu gacanta ku hayo abaal-marinta xiddiga ugu fiican adduunka ee Ballon d’Or.
Gool FM.