(London) 24 Luulyo 2017 Tababaraha kooxda Arsenal ee Arsene Wenger ayaa faah faahin ka bixiyay sababta kooxda PSG ay u doonayso saxiixa Neymar.
Arsene ayaa sheegay in PSG ay ku guul daraysatay saxiixa Sanchez maadama kooxdiisu aysan diyaar u ahayn inay iska iibiso xaggaagan laacibkeeda reer Chile.
Guul darada PSG ka soo wajahday dhanka saxiixa Sanchez ayuu sheegay Wenger inay sabab u tahay inay u weecdaan soo xerogalinta Neymar.
“Ma jirto fursad Sanchez uu ugu biiri karo PSG, sidaas darteed waxay isku dayayaan inay la wareegaan Neymar” ayuu yiri Arsene Wenger.
“Sida aan la socday wargayska L’Equipe wuxuu wax ka qorayay Sanchez labadii isbuuc ee u danbeeyay, haatana waxay ka hadlayaan Neymar, saxaafadu marwalba waxay jeceshahay helida arin ay ka hadasho”.
“Sanchez uma safrin Paris, mana fasaxayno, waxaan haysanaa awood dhaqaale oo xoogan, waxaan isku dayeeynaa inaan ilaashano ciyaartoydeena ugu fiican, hal sano ayaa uga haray heshiiskiisa kadibna waan arki doonaa wixii dhaca”.
Gool FM