(Barcelona) 24 Agoosto 2017 Kooxda Barcelona ayaa isaga hartay saacadihii u danbeeyay doonista saxiixa laacibka Nice ee Jean Seri.
L’Equipe ayaa daaha ka qaaday in kooxda Nice ay sabab u noqotay in Barcelona ay isaga harto tartanka saxiixa laacibka reer Ivory Coast.
Kooxda reer France ayaa u sheegtay Barcelona inay miiska soo saarto aduun dhan 50 milyan oo euro haddii ay doonayaan saxiixa Jean Seri.
Taas ayaana sababtay in Barcelona ay isaga harto doonista laacibka maadama ay diyaar u ahaayeen bixinta qiimaha lagu burburin karay heshiiskiisa oo ah 40 milyan oo euro.
Barcelona ayaana durba hakisay wadahadaladii ay kula jirtay kooxda Nice.
Gool FM