(Paris) 24 Agoosto 2017 Wakiilka laacibka kooxda PSG ee Julian Draxler ayaa ka hadlay wararka la xiriirinaya kooxda Bayern Munich.
Waxaa soo baxay warar sheegaya in wakiilka Julian Draxler uu u safray magaalada Munich si uu u dhameeyo heshiis la sheegay in laacibku uu ugu biirayo Bayern Munich.
Laakiin wakiilka ayaa beeniyay wararkaas, wuxuuna sheegay in Julian Draxler uu sii joogi doono kooxda reer France xiliciyaareed kan.
Julian Draxler ayaa ka baxay dooqa koowaad ee tababare Unai Emery kadib markii kooxdu ay soo iibsatay Neymar.
Laacibka ayaana doonaya inuu u dagaalamo qaabkii uu boos uga heli lahaa xulkiisa koobka aduunka ee 2018, taas ayaana ku riixaysa ka tagista PSG.
Gool FM