(Lyon) 17 Dis 2017 Weerar yahanka Lyon ee Nabil Fekir ayaa ka hadlay xiisaha uga imaanaya kooxaha ka ciyaara Spain iyo ingiriiska.
Xiddigaan ayaa lala xiriiriyay kooxaha Barcelona iyo Arsenal oo la sheegay inay u dhaqaaqi doonaan saxiixiisa.
Nabil Fekir ayaa sheegay in xiisaha uga imaanaya Barcelona uu maanka ku haayo, wuxuuna cadeeyay inuu ku riyoodo ka ciyaarida horyaalka Spain.
“Barcelona? waa ay i xiisaynayaan oo kaliya, waan maqlay, dabcan xiisahoodu waa i saameeyay laakiin Lyon ayaan ku faraxsanahay” ayuu u sheegay Telefoot.
Nabil Fekir oo ka hadlay kooxaha uu xiiseeyo ayaa yiri:
“Barcelona, Real Madrid iyo Atletico Madrid oo Spain ah laakiin ingiriiska waxaa jira Man United, City iyo Arsenal”.
“Ma jirto koox aan si gooni ah u dooranayo, laakiin waxaan ku faraxsanaay Lyon, waxaanan doonayaa inaan wax badan kula guulaysto”.
Gool FM