(Torino) 19 Dis 2017 Kooxda Juventus ayaa ka carootay fal uu ku kacay wakiilka weerar yahanka reer Argentina ee Paulo Dybala.
Wakiilka Paulo Dybala ayaa kulan qarsoodi ah la qaatay masuuliyiin ka tirsan kooxda lacagta badan ee PSG si uu ugu biiro waqtiga nagu soo aadan.
Corriere della Sera ayaa baahiyay in Juventus ay ka war heshay kulankaas kadib markii gabar saaxiib la ah wiil la dhashay Paulo Dybala ay baraha bulshada ku faafisay sawiradii kulanka.
Wakiilka Paulo Dybala ayaa u sheegay wiilka la dhashay laacibka Juventus in 24 jirka reer Argentina uu fursad wayn u haysto inuu badal u noqdo Neymar oo ku wajahan Real Madrid.
Hoos u dhac wayn ayaa laga dareemayaa qaab ciyaareedka Paulo Dybala xiliciyaareed kaan, tababare Allegri ayaana keydka ku cabay kulamadii u danbeeyay.
Gool FM