(Madrid) 13 Feb 2018 Daafaca reer Brazil ee Marcelo ayaa ka hadlay kulanka kooxdiisu ay marti qaadi doonto habeen dambe kooxda reer France.
Marcelo ayaa sheegay inay qalad tahay in laga fikiro kaliya Neymar xili ciyaartoy kale oo cajiib ah ay joogaan kooxda PSG kuwaas oo qatar badan ku abuuri kara kooxdiisa.
29 jirka reer Brazil ayaa intaa ku daray in isaga iyo Neymar ay is dhaafsadeen dhawr fariimo ka hor kulanka, balse wuxuu sheegay inaysan ka wadahadal wax xiriir la leh kubadda cagta.
“Fariimo badan ayaan is dhaafsanay aniga iyo Neymar laakiin kama wadahadal wax quseeya kubadda cagta” ayuu yiri Marcelo kulanka ka hor.
“PSG ma ahan kaliya Neymar, waa koox aad u wanaagsan, waana qalad inaan ka fikirno isaga oo kaliya isla markaana aan ka tagno xubnaha kale ee kooxda”.
“PSG waa koox weerar, waxay dhaliyeen goolal badan, waxaan rumaysanahay inuu noqon doono kulan furan waayo labadeenuba waxaan nahay kooxo weerar, natiijada kulanka barri ma go’aamin doono kooxda soo baxaysa maadama kulan kale uu harsanyahay”.
Gool FM